BYA:MUSASI WAFFE
KAMPALA
John Kabanda Pulezidenti wa FUTA akakasiza nga Pulezidenti Yoweri Kaguta Museveni weyeeyamye okuduukirira abasuubuzi abafiirwa emmaali yabwe mu mataba agayingirira ebizimbe mwebakola ne nkatta ya buwumbi 20.
Okweeyama kuno Pulezidenti Museveni yasinzira mu nsisinkaano gyeyalimu n’abakulira ebibiina bya basuubuzi abasobye mu 120 ku faamu ye e Kisozi okukukola.
Amawulire gano ag’essanyu Kabanda yagategeza abasuubuzi mu lukiiko lweyakuba ku ofiisi za federesooni eno mu paaka empya era yanyonyola nti ssente zino zakubawebwa mu miteeko ebbiri.
Wekyatuuka kungeri ssente gyezirina okugabanyizibwa wabalukawo okusika omuguwa nga abasuubuzi abamu bagamba nti mukuliyirira basooke nabo abakosebwa ennyo atenga abalala bagamba ssente zigabanyizibwe kyenkanyi kubanga bonna bafirwa.Gyebyagwela nga bakanyiza nti ssente zigabanyizibwe kyenkanyi.
Bino webigidde nga enkikko ez’enjawulo zitegekeddwa okulaba ng’abasuubuzi abaakosebwa bafuna obwenkanya.
Omwogezi wa KCCA Daniel Nuwabine yavaayo nategezza nga webalina olukalala lwa basuubuzi abasoba mu 400 abafirwa emmali yabwe kyokka omuwendo guno obukulembeze bwa FUTA buguwakanya.
Bano bagamba nti abasuubuzi abakosebwa tebali babizimbe okuli Ssekaziga,Nana Center,Jamboli Qualicel Bus Terminal bokka wabula baliko nabo Owino ekyavirako omuwendo okulinya okutuuka mu 700 n’omusobyo.