BYA:OMULANGIRA DDEMBE YONAH
Kyambogo,Kampala
Pulezidenti Yoweri Kaguta Museveni,mukwogera kwe okwasokeera ddala nga akakiiko k’ebyokulonda kakamala okumulangirira nga omuwanguzi w’okulonda okwa 2021,kabula kata amaziga amuyitemu nga yekokola engeri ekibiina kya NUP ekikulirwa Robert Kyagulanyi Ssentamu gye kyali kimuyise kulitalaba n’ekimubba obululu akakadde kamu n’omusobyo.
Mukulaga nti tebayiga butayiga,Hajjati Hadija Namyalo akulira emirimu mu ofiisi ya Ssentebbe wa NRM aweeze nga ku mulundi guno webatagenda kukiriza NUP kubba bululu bwa Ssentebe wabwe Pulezidenti Museveni ali mukuvuganya kwa Pulezidenti ekisanja eky’omusavu.
Bino Namyalo amanyidwa ennyo nga Chief Muzukkulu yabyogerede ku ofiisi y’e Kyambogo weyabade atongoza abantu beyayise egye erigenda okukuma obululu bwa kandideti mu kulonda okugenda okubawo nga 15.01
Ono yatugezeza nti eggye lyebatongoza esiira ligenda kuliteeka ku kukuuma foomu ebiba bivude mu kulonda kwebiwandikibwa kubanga aba NUP zebabba ne bazikyusakyusa okukakana nga obululu bwabwe akakade kamu n’obusobyo babwewade.
ENGERI GYEBANDA OKUTUKIRIZA OBUVUNANYIZIBWA BWABWE
Ssabawoolereza wa Gavumenti Kiryowa Kiwanuka eyakulidemu okusomesa egye lino obuvunanyizibwa bwalyo,yalifalaside
1)Ssawa emu ez’okumakya zibasange mu kifo ewalondebwa era baberewo mpaka nga buli kimu kiwede
2)Okuteekayo nnyo omutiima nga babbala obululu
3)Okakasa nti obululu obubalidwa bwebumu n’obwo obuwandikidwa ku foomu ebiba bivude mu kulonda kwebiwandikibwa.
4)Okulwana okulaba nti bava mu kifo ewalondebwa nga bafunye foomu kwebawandiika ebiba bivude mu kulonda atenga nabade akulira okulonda mukifo ekyo azitadeko omukono gwe.
Kiwanuka egye lino yalikomekereza obutambala kintu kyonna ekiraga langi z’ebyobufuzi oba eky’efananyirizako okusosola.
GUNO OMULIMU SIGWABWANAKYEWA
Namyalo yakinoganyiza nga omulimu gw’okukuma obululu ogwaweredwa egye lino webatagenda gukola mungeri yabwa nakyewa kubanga bagenda kubawa buli ekikozesebwa kyebetaga na kassente aka kassimo akalungi nga okulonda kuwede nabwekityo bagukole n’omutima gumu.
TELI KUFFA NAKUFIISA KU LUNAKU LW’OKULONDA
Tanga Odoi,Ssentebbe w’akakiiko k’ebyokulonda mu NRM eranga y’omu ku bawombye omutwe mu nteekateeka eno wano weyasinzide okutegeza egye lino nti engeri gyebatagenda kukolera bwerere,bagwenye bakimanye nti ku lunaku lw’okulonda teli muntu anakirizibwa kuffa oba kulwala oba okufiisa oba okubaako ensonga yonna gyeyekwasa obutakola ku lunaku olwo.
Ono yagaseko nti obuvunanyizibwa bw’okukuma obululu bwakufa na kuwoona nabwekityo tebetaga muntu yenna wakyejo okubatira obuwanguzi bwebazimbide ebanga.