Lubiri,Mmengo.
BYA:MUSAASI WAFFE
Omutaka Mugema Charles Mugwanya Nsejere ow’ekika kye Nkima akuutide Obuganda okulonda abakulembeze abasa ekitibwa mu Namulondo mu kalulu akajja.
Bino Omutaka Mugema Mugwanya yabyogerede ku mukolo gw’okutikila amakula ga Ssabasajja Kabaka Ronald Muwenda Mutebi(2) age ggombolola ya Ssabaddu-Kira ogwabade mu Lubiri e Mengo.
Omutaka Mugema Mugwanya yagambye nti omukulembeze assa ekitibwa mu Namulondo aba asobola bulungi okugirwanirira awatali kwetiririra kwona n’okujjumbira entekateeka z’Obwakabaka zona nga Emmwanyi Terimba n’endala nnyingi.
Ono era yayongede nakatiriza amakulu g’okutonera Kabaka amakula bweyagambye nti buvunanyizibwa bwa buli Muganda okuliisa n’okulabirira Ssaabasajja tasasulwa musaala.
MWONGERE OKUKWASIZAKO KABAKA MUKULWANYISA MUKENENYA
Omutaka Mugema yayongede najjukiza Banakira ng’Omuterega bwakyali omumuli gw’okulwanyisa mukenenya mu ggwanga era wano weyasinzide okusaba Obuganda okwongera okukwasizaako Kabaka mu kawefube w’okukendeeza okusasaana kw’akawuka ka sirimu.
Akulira e Ggombolola ya Ssaabaddu Kira Frank Ssekalegga alaze Mugema ebirabo eby’enjawulo byebaletedde Kabaka omuli ente bbiri,embuzi 4,enkokko 16,enkota z’amatooke 19,omuceere kilo 285,sukaali kilo 200,Butto bokisi 2,omwenge ebita 4,ebiruke n’ebirabo ebirala.Mugema yalambude ebirabo ne bimukwasibwa ne bifuuka amakula era wano Ssekalega weyasinzide nasaba Ssabasajja asiime abaleetereko olusisira lw’ebyobulamu mu Ggombolola ye abantu basobole okujanjabwa endwadde ez’enjawulo kubwerere era nasaba nga Kira abasuza Ssaabasajja baweebwe omukisa wakiri baleete amakula gano buli mwaka mu kfifo ky’omulundi ogumu mu myaka ebiri.
Ekiteeso kya Sssekalegga Mugema n’abakulu abalala ababaddewo bakiwagide nnyo.
Dr Phionah Nakalinda Kalinda omumyuuka wa Kaggo ow’okubiri asabye abaana abawala obutapapa kugenda mu bikolwa bya mukwano banywerere ku misomo kubanga ebirungi biri mu maaso basobole okwewala okukwatibwa ebirwadde ebiva mu kwegata.
Nakalinda asabye ab’e Ggombolola ya Ssabaddu okusigala nga balwanirira e Saza lyabwe erya Kyadondo okubanga nga lyelisinga okukola obulunji mu Buganda nga lino lyelyakutte ekisooka mu masaza 18 okuwereza obulungi obwa Kabaka ate Kira ne kwata kya 15 mu maggombolola 178 agakola Buganda.
Ate Moses Luutu Mukasa Kattikiro w’ebyalo mu Buganda yebaziza Sabasajja Kabaka okulengerera ewala nalonda Frank Ssekalegga okubeera Ssaabaddu wa Kira y’ensonga lwaki alaze amaanyi bwatuuse e Mengo n’olukiiko lwe lwonna nga lujjudde wamu ne bana Kira ekiraze ekifanaanyi ekirungi eri obwa Kabaka ng’ategezeza nga bwe waliwo abajja okukiika embuga nga bali n’abeŋŋanda zaabwe bokka naye bano baasitudde abantu wamu n’abaana b’amassomero.