Nyabusojo,Kibaale.
BYA:OMULANGIRA DDEMBE YONAH
Julius Allan Hakiiza omwogezi wa Poliisi mu bendobendo lya Albertine mu kwogerako ne kibanja kino “ekiterya ntama” yakakasiza nga webatandiise okunonyereza kuki ekituufu ekyavirideko ssemaka Sam Tumusiime okusalako omwana we omutwe naye oluvanyuma neyetuga.
Entiisa eno yali ku kyalo Nyabusojo ekisangibwa mu muluka gwe Bukonda mu ggombolola ye Bwamiramira mu Kibaale Disitulikiti.
Kigambibwa mbu omugenzi Tumusiime(emmyaka 40) yadda ewuwe nga atamide ebitagambika nasowagana ne mukyala we Joan Kyalimpa(emmyaka 19) lwa mwana we Derrick Alitujuna(emmyaka 2) gweyaja naye mu bufumbo kusuka kumwononera bintu bye atenga wekituuka ku kulya,akirako akasanyi.
Kyalimpa mu kuwanyisiganya ebigambo ne Tumusiime yamutegeza nga wagenda okumuvira ate engeri jali omuwala omuto,amukubeeko ekibaati kyomusajja owe beeyi anasobola okumulabirira obulungi n’omwana we nga tebajula.Mu busungu Tumusiime yatandiika okukuba Kyalimpa nga wamukalabula feesi ku kisenge obulungi obumuluma buffe ko n’okumutomeza omutwe ku kisenge ekyamuvirako okuzirika.
Tumusiime mu kutya nti asse Kyalimpa,yasalawo n’omwana kaluma nywera naye ku mutemeko mutwe.
Chrysostom Atuhura omu kubalirwanwa mukiyongobero yatugambye nti Tumusiime bweyali akuba Kyalimpa yakuba nnyo endulu eyabawaliriza okudukirira embeera naye ekyembi baagenda okutuuka amaaso bagatukiza ku mutwe ne kiwuduwudu kya Alitujuna ne Kyalimpa nga yebasse mu kitaba ky’omusaayi.Tumusiime ye yali yabombye dda.
Bwe bakizuula nti Kyalimpa entununsi ze zali zikyakuba bamudusa mangu mu ddwaliro lya Kibaale Health(4) okufuna obujanjabi obusingawo.Bwebadda okuyiga Tumusiime bamusanga mukibira ekirinanyewo nga alengejera ku muguwa ku muti oluvanyuma lwokwetuga.
John Mary Tibezinda ssentebbe we ggombolola lino yatugambye nti abafumbo bano nga abagalana abalala babadenga bagugulana era enfunda nnyingi zebatude mu nsonga zabwe okubatabaganya eranga basonyiwagana naye babade tebakilowooza ngako nti olunaku lumu Tumusiime alituuka kussa ly’okutta Kyalimpa.
Oluvanyuma lwa Police okwekebejja emirambo jabagenzi,bazikidwa eggulo naye buli eyakute akazindaalo okwogera,yavumiride nnyo ebikolwa eby’obutabanguko mu maka.Wano Hakiiza weyasinzide okuwabula abagalana nti webafuna obutakanya ne batuuka kussa nga buli omu takyasobola kuba na mune,bawukane mu mirembe okusinga okutingana kubanga ekikolwa ky’obutemu tekikoma kwononera abakikoze kitibwa kyoka,kisiiga ekikolimo ky’obutemu mu ffamire.