Kampala
BYA:OMULANGIRA DDEMBE YONAH
Rose Namayanja Nsereko,omummyuka wa Ssabawandiisi w’ekibiina ekiri mu buyinza ki NRM akubiriza abakulembeze ku mitendera egyenjawulo mu kibiina okukolera awamu Ssentebbe wabwe Pulezidenti Yoweri Kaguta Museveni n’abakulembeze abalala ababakwatide bendera webaba bakuwangula mu Buganda.
Namayanja bino yabyogerede Makindye ne Nakawa weyabade asisinkanye abakulebeze b’ekibiina mu bitundu bino okuva ku byalo okutuuka ku disitulikiti okubanyonyola engeri gyebagenda okukuyegera abakulembeze ababakwatide bendera ku bifo ebyenjawulo basobole okuwangula n’nengeri gyebagenda okukuma obululu bwabwe buleme okubibwa aba oppozisoni.
Kikulu nnyo okujjukira nti wetwali twakava mu kulonda okuwede,Pulezidenti Museveni akabula kata amaziga gamuyitemu nga yekokola obubbi bwa NUP obwa kalulu weyategeza nti bali bamubye obululu bwe akakade kalamba.Pulezidenti Museveni aba NUP yafundikira abakwasiza Katonda abalamule.
Namayanja yanyonnyola abakulembeze bano nga kumulundi guno webasalawo obwesige obwokunonyeza abakulembeze abakwatide ekibiina bendera webabuteeka mu bakulembeze b’okubyalo kubanga bebamanyi abantu mukyo basobola bulungi nnyo okubatukirira ne babanyonyola ebitukidwako byebagala abalonzi basinzireko okubongera ekisanja.
NRM ku buli ekyalo erinako abakulembeze 30,bano mu nkola ya nju ku nju buli omu bamusubira okukuyega ekitini ennyo abantu 3 bokka ekitegeza nti buli ku kyalo NRM ebalinako abalonzi 120 nga n’abakulembeze bano obatwalidemu.
Okusinzira ku kakiiko k’ebyokulonda Uganda erina ebyalo 70,626,kati wekibanga kubuli kyalo NRM erinako abalonzi 120 kiba kitegeza nti Pulezidenti Museveni aba alina obululu 8,475,120 okuva ku balonzi obukade 20 abewandiisa okulonda.
Ekibaalo ekyo wekiba nga kyakutukibwako,Namayanja wano weyasinzide okusaba abakulembeze bano okwewala okulumangana nga obukoko obuto kubanga enjawukana zabwe zongera kusiga kibiina ekifaananyi ekibi
Ebigambo bino byawagidwa nnyo Ivan Kamuntu Ssemakula amanyidwa ennyo nga Majambere,ssentebbe wa NRM mu Lubaga era yagaseko nti ekya yamba Pulezidenti Museveni ne bakitaabwe okuwangula olutalo lwe nsiko olwaleeta gavumenti eno mu buyinza bwali bumu
Ono yayongede nabategeza nti enjawukana abakulembeze abasinga zebalimu mu 2021 zezavirako NUP akabiina akakoma ku City Square okugira mu muyaga ne bawangula ku bifo ebimu.
Majambere yafundikide asaba abakulembeze bano okukwata amanyi n’obude byebandimalide munjawuka bagateeke mu kuyigira Pulezidenti Museveni n’ababakwatide bendera obululu bawangule NRM esobole okuda ku ntiiko mu Buganda