KIRA,WAKISO
BYA:MUSASI WAFFE
Peter Kyambadde eyegwanyizza ekifo kya ssentebe wa Bweyogerere divisoni akakasizza nga walinze okulayira era nalaga ne byagenda okutandikirako mu buweereza.
Ono nga agidde ku kaadi ya FDC era ng’atuula ne ku NEC y’ekibiina,bino yasinzidde mu nsisinkano gyeyabaddemu n’abamu ku bawagizi be ku kyalo Kirinya.
BYAGENDA OKUTANDIKIRAKO
OKUKENDEZA EMISOLO EGISUKIRIDE:Ono wano yagambye nti yakizude nti emisolo mu Bweyogerere gyafuuka kibonerezo kubanga mingi nnyo atenga abantu bizinensi zabwe zikola amagoba matini nnyo.Embeera eno evirideko bizinensi nnyingi okuggwa.
Engeri emisolo egitude abasuubizi mu kifuuba wegyatekebwawo obukulembeze obuliko,Kyambadde yasuubiza nti nga amaze okutuula mu ntebe,agya kusooka nakuyimiriza ebibonerezo ebikakali ebiweebwa abasuubuzi ababa balemedwa okusasula emisolo amale atuule nabo bateese ku misolo egibayamba baleme okudamu okukolera mu bunkenke.
Kyambadde era yasuubiza nti mu bukulembeze bwe abantu bagya kutegeera amakulu g’omusolo gwebasasula nga agukolamu pulogekiti z’enkulakulana.
OKUKOLA ENGUUDO EMBI:Kyambadde zino wakuzimalawo mu Bweyogerere nga asaka emmotoka ezirima enguudo zilongoose amakubo abatuuze basobole okweyagalire mu bitundu bya bwe olw’entambula ennungi.
OKULONDOOLA EMIRIMU GYA GAVUMENTI:Nga omulungi watabulako kamogo n’omubi tabulako karungi era mubuffu obwo Kyambadde yakinoganyiza nti newankubade wa oppozisoni,gavumenti erina pulogekiti nga Emyooga ne PDM eziyamba okutumbula embeera z’bantu ezabulijjo.
Pulogekiti zino yeyamye okuziteekako eriiso ejogi okwewala abakenuzi okubulankanya ssente ezizitekebwamu.
ENGERI KYAMBADDE GYEYALETAMU SSEMUJJU MU KIRA
Abamanyi eby’obufuzi byomu Kira batugambye nti FDC weyamala okuwanda edusu ku Ibrahim Ssemujju Nganda ku kifo ky’omubaka wa Kira Municipality,yesanga nga talina wakutandikira kubanga newankubade yali munamawulire asakira ku Palaamenti,obukodyo obukolebwa ku gulawundi omuntu okusobola okuwangula yali tabumanyi.Mukusoberwa Ssemujju yagenda yebuuze ku mugenzi Sam Kalega Njuba eyali omubaka wa Kyadondo East.Njuba Ssemujju yamutegeza kimu nti yali wakuwangula singa yekwata ku Kyambadde.
Nga bamaze okukwatagana,Kyambadde yatandikirawo okumulaga abakulembeze ba FDC naddala mu bitundu bya Kira n’abakulu abeebuuzibwako ensonga ekyayamba Ssemujju okulya akalulu.
Abatunulizi beby’obufuzi bya Kira bafundikide bakatikiriza nti olwa amannyi ago,Kyambadde kyava ayogeza obuvumu nti alinze kulayira.
Olwokaano Kyambade alulimu n’abantu mu 8 lwakuba asinga kuvuganya na Hakiza Dickson owa NRM, Farouk Mpanga Muniga owa NUP,Sheeba Namuddu owa PFF ne Majid Kiwanuka atalina kibiina.
Isaac Ssenkubuge ssentebbe aliko yaganye okudamu okwesimbawo naye ebisanja ebibbiri byeyakamala abade ayita kulugwanyo okubimalako olwa abamuvuganya okuddukanga mu kooti okuwakanya obuwanguzi bwe.