Empaka z’omweeso omuzungu zigguddwawo mu bugumu

*Abazanyi 300 bebali mu kulwanira engule y’omwaka guno

Mityana

BYA:JUMA ALI 

ajuma6122@gmail.com(0772031598)

Empaka z’omweeso omuzungu(chess) eza Chess Inter Project Championship ez’omwaka guno zitandiise okuyinda ku Som Outreach Ministries ezisangibwa e Kiwawu ku luguudo lw’e Mityana.

Zino zitegekebwa aba Chess SOM Academy ekulirwa Robert Katende era ze z’omulundi ogwe 18.

Katende yatukakasiza nti abazanyi abasobye mu 300 okuva mu Academy za SOM ez’enjawulo bebazetabyemu era emitendera okuli ogwa baliko obulemu, abaana n’abavubuka bebali mukuvuganya.

ABEETABYE MU MPAKA KYEBAGAMBA

Michael Sematimba okuva mu Academy ey’e Kawempe,musanyu ly’okuwangula oluzanya lwe olwasoose yatugambye nti chess amuyamba nnyo okwogiwaza obwongo bwe ne kimwanguyiza okukola essomo ly’okubaala obulungi.

Joshua Kirabo okuva mu Academy ey’e Bwaise okuwangulwa kwe mu luzanya lwe olwasoose yakitade ku kutya okwamubutikide kubanga abadde teyetabangako mu mpaka zino

Ate ye Patricia Kawuma eyali awangude ku mpaka zino yesunga okuddamu kuziwangula

Abawanguzi bakuweebwa emidaali n’ebilabo ebirala bingi.

Empaka zino bulijjo zibade zizanyibwa January wabula nezikyusidwa mu mwezi guno olw’ensonga y’okolonda.