Pader
BYA:ALI KYEYUNE
Uganda Badminton Association(UBA),ekibiina ekiffuga omuzanyo gwa Badminton,kaweefube wa ‘Shuttle Time’ agenderedwamu okubunyisa omuzanyo guno mu ggwanga lyonna kimutusiza mu bukiika kkono(northern) bwe ggwanga.
Kaweefube ono yayindide ku ssomero lya Archbishop Flynn Secondary School erisangibwa mu Disitulikiti ye Pader era yetabidwamu abasomesa b’ebyemizannyo abasobye mu 20 okuva mu massomero agenjawulo
Bano babanguddwa ku muzannyo guno era ne bawebwa n’obukodyo obwenjawulo bwebalina okukozesa okusobola okusikiriza abayizi mu massomero gabwe okwetanira omuzannyo guno.
Simon Mugabi,akulira UBA mwogerakwe yakkatiriza nga ekirooto kyabwe wekiri eky’okubunyisa omuzannyo guno mubuli nsonda yeggwanga era nayongera nategeza abasomesa bano nti okwenyigira kwabwe mu nteekateeka eno,kaali kabonero akenkukunala nti bali bakiriza okuba ekitundu ku lugendo lw’okutukiriza ekirooto ekyo era yabasiima nnyo.
Wano Nanseera George William,ssentebe w’ekibiina ekigatta amassomero ga Sekendule ekya Uganda Secondary Schools Sports Association (USSSA) mu Disitulikiti y’e Pader weyasinzira okuwa obweyamo nti amassomero gabwe gali gakwetaba mubuli nteekateeka y’okutumbula omuzanyo gwa Badminton mu Disitulikiti yabwe.
Mugabi mukufundikira abasomesa yabasaba obutatuula ku bukodyo obubabangudwa wabula babukozese okuzuula abaana abalina ebitone ebisobola okuzannya omuzannyo guno.
Enteekateeka ya Shuttle Time yasooka kuyindira Rwampara,Kayunga ne Nakaseke ekitegeza nti Pader ye Disitulikiti ey’okuna gyeyakatusibwa era abasomesa abasoba mu 100 bebakagiganyurwamu.
Mukwongera okugibunisa aba UBA obwanga bakubolekeza disitulikiti y’e Busia,Iganga ne Rukiga nga omwaka guno tegunagwako.