Kawempe,Kampala.
BYA:MUSASI WAFFE.
Omusaayi guzeemu okuyika mu batakisi ba ddereeva webalwanaganye kumpi kwagala kwetta lwa siteegi.
Okulwanagana kuno kwabadde ku luguudo lwa Bombo olusangibwa mu divisoni y’e Kawempe mu Kampala mu kifo ekimanyiddwa nga ku “Growers” era Police teba kuyitibwangu mubwangu okutaasa embeera,ekitini ennyo baddereeva 5 balindi luguzeemu obulamu.
KAWONAWO EBYALIWO ABINYUMYA NGA LUTABAALO
Soul Bagula omu ku baddereva eyasimatuuse okufiira mu bulumbaganyi buno yalutuviride ku ntono nti “wetwabade tutika ttakisi zaffe nga bulijjo,twasalidwako ekibinja kya bavubuka gakanyama.Gano gaze gagala kutwala bulamu kubanga gabadde gakutte ebisi nga amayinja,emiggo ne beneeti era gavudde mu paaka y’e Bwaise Terminal ne gatulumba mu kifo wetwateeka siteegi.
Gakifeesi gano gatukide mukugoba ttakisi zonna ezabadde zitika nga gekwasa eky’okuba nti KCCA yagoba ttakisi okutikira ku nguudo.Olw’okubanga wonyigiriza ennyo ennyindo ogireeta omusaayi,baddereeva bannange wetwalumbidwa ababadde bambadde emijjoozi gya NRM nga giriko n’ekifaananyi kya Pulezidenti Yoweri Kaguta Museveni nabo babaddizza omuliro nga webawera nti tebagenda kuvaawo,ekyaddiridde kwabade kulwanagana era gyebyagweredde nga banaffe abasobye mu 20 nga baakubiddwa bubi nnyo ne babaleka nga batonya musaayi olw’ebiwundu byebafunye.
Nze Kifeesi yansazeko nankuba ekikonde ekyampandude amannyo 2.Nabade nkyakabira amannyo gange Kifeesi omulala yanvude emabega nankuba ekikonde ku nkoto ekyanvirideko okuwunga nengwa wansi.Bano begatidwako abalala abankubye emiggo gyesitamanyi na muwendo ne nsambasamba era bagenze okunvako nga balowooza nfude.”
Okumanya Gakifeesi gano gabade tegalinamu kabuntu Bagula gamubyeko essimu ye n’obussente bweyabade alina okutandikirako okwejanjabya.
BULI KIFEESI EYETABYE MU KULWANA KUNO BAMUSASUDDE EMITWALO 40,000
Ensonda ezesigika zatubideko nti Gakifeesi agalumbye baddereva bano Muzamir Ndibu omu ku bakulembeze mu ppaaka eno weyasoose okugakunganyiza mu paaka ku luuyi lwa siteegi y’e Luweero naganyonnyola engeri gyegalina okugusamu misooni y’okulumba bane babakube mpaka mu kubiiro era nagasuubiza na kassimo ka 40,000 byonna nga biwedde bulungi era olwamaliriza omulimu,Gakifeesi gano gaduuse gayingira mu ofiisi ya ssentebe wa ttakisi paaka eno.
Gano mu ofiisi galudemuko naye oluvanyuma gavudewo omu kw’omu nga wegebulankanya ekyarede ababadewo okugamba nti “huh…!kirabika abayaye babakozeko era kati bali mu kugenda”
EKITUFFU KI EKYAVIRIDEKO OLUTARO LUNO
Richard Bayita ssentebe wa baddereva abewaguula yatugambye nti webali bayingira paaka eno basooka kukanya n’omugagga Col:Fred Bogere nti buli lunaku ttakisi zisasule 5000 kyoka kyabewunyisa nnyo okuvaayo nabongerako 1000 zebalina okusasula buli Mande.
Col:Bogere takomawo ayingirira ne ssente zabwe eza ‘Welfare’ ezigendererwamu okubayamba mu buzibu kyoka buli ddereeva avaayo okukyogerako nga bamugoba nabo kwekuvaayo ne batandikawo siteegi yabwe nga bakooye okunyigirizibwa.
ABAKULIRA UTOF BAWUNYA KKOMERA
Francis Nsobya Ssemakadde eyaliko ssentebe wa paaka eno yatukakasiza nga webamuyise mu State House nagibwako sitetimenti ekwatagana ku ntalo eziri mu mulimu gwa ttakisi nalonkoma akulira ekibiina kya UTOF Rashid Ssekindi ne bane nti bebakulembeddemu okutululugunya aba ttakisi kubanga ne mmotoka ekika kya double Cabin ekozesebwa okugobaganya aba ttakisi ya Ssekindi.
Ono mukuvayo aba State House bamutegezeza nga bwino gwabawade ku mivuyo gya Ssekindi ne bane webagenda kumugata ku gwebamulinako basinzire awo bamuyitte nga bamulibye nti agenda kusisinkana Pulezidenti bamusibe ne bisumuluzo babisuule mu tooyi empavu ne mwanyina Aisha Ssekindi era ye minisita omubeezi owa mazzi gweyewanisa jatasobole kusima kubijjayo .
BEBALUMIRIZA BEEWOZEZAAKO
Ssentebbe Ndibu yeganye abavubuka abakubye banabwe nti tebabamanyi nagatanako nga webatakyalina ntalo mu paaka yabwe era naye yafundikide yebuuza abavubuka abakubye baddereva abo wa gyebavude.
Ku nsonga ya ssente nnusu 1000 ezayongezebwa baddereva Ssentebbe Ndibu yatunyonyode nti ssente ezo bazikunganya ne baziteeka munsawo yokulongosa paaka era abamulumiriza nti ssente ezo zigenda mu nsawo ye yababuziza nti singa paaka yali telongosebwa singa teyajjula dda kasasiro?
Mayambala ne Ssekindi baategeeza nti okuva webagetta okulwanagana mu ttakisi kwagwawo nabwekityo abalwanagana bebo abagala okuzaawo entalo mu ttakisi kyebatagenda ku kkirizza kuddamu