BYA:MUSASI WAFFE
Kira,Wakiso
Christopher Kivumbi aze amazeeko okuwangula obwa Direct kansala Kira Munisipaali.Ekifo kirimu ebyaalo bissatu okuli Kazinga Main,Haasan Touraba ne Butto.
Ono nga mutuuze ku kyaalo Kazinga Main,ekisangibwa mu divisooni y’e Bweyogerere mu Munisipaali y’e Kira,Wakiso Disitulikiti yesibyewo kubwa namunigina.Akabonero ke nayikondo era kampeyini ze azitambuliza ku ngombo egamba nti ntuuma nkusundulire
EBIMULEESE.
OKUTUUSA EDDOBOOZI LY’ABANTU BE MU KANSO:Kivumbi mwogezi mulungi era amanyi okusengeka ensonga nga ali mu kuteesa.
Okusobola okuguusa obulungi obuvunanyizibwa buno,Kivumbi akiggumiza nti mu kisanja kye siwakwawukana ku bantu kimusobozese okumanya ensonga zennyini ezibakwatako mpaka kugumba asobole okuzituusa eri bekikwatako zigonjolwe.
OKUSAKIRA ABANTU BE:Kino Kivumbi yakitandikako dda okugeza ayambye abavubuka abenjawulo abamanyi emirimu gy’ebyemikono okufuna ebbaluwa za DIT ezibayambye okufuna emirimu egiriko akassente akaweera mu makolero.
Newankubade Kivumbi akwanye emikwano mingi mu mawanga gabazungu basobola okusakamu,agamba nti abasinga batya okukolagana naye kubanga talina ndagiriro.Nti bano okumuwa ebintu basooka kumubuuza tubikuwa nga ani?Olwokubanga talina ndagiriro,abazungu abasinga batya okolagana naye nga balowooza nti mufeere.Okusobola okwongera obasakira,kyeyavude asalawo yesimbewo.
OKULWANYISA EBBULA LY’EMIRIMU:Kivumbi agamba nti ebyaalo byagenda okukikirira nga amaze okulayira birimu ebibaangirizi bya makolero 2 e Namanve ne Bweyogerere naye kimwewunyisa nti mukiseera ky’okugaba emirimu abavubuka abagaliranye tebasosowazibwa.
Ono wano weyasinzide okutugamba nti wakwogerezeganya n’abakulira amakolero gano okulaba nti bamutemyako buli webabeera beetaga abakozi asobole okubagulizako ku bavubuka abalina mirimu bagisabe.
EBY’OBULAMU:Ono yannyonyode nti abantu ku byaalo byayagala okukikirira webalwala baddukira mu ddwaliro lya Bweyogerere Health Centre 3,lino ebikozesebwa lyebirina bitono nnyo okusinzira ku muwendo gwa bantu abalyeeyuna ekivirako abantu okuddukira mu bulwaliro bw’obwananyinnyi gyebabaserera okamala.
Abantu bano Kivumbi wakubakwasizaako nga ayita mukutegeka ensisira z’ebyobulamu basobole okufuna obujjanjabi obusokwerwako ku beeyi eyawansi kwo n’okwekebeeza enddwade basobole okumanya embeera y’obulamu bwabwe nga weyimiride.
OKUGYA OMUSOLO KU KASASIRO:Kivumbi yatutegezeza nti olw’omusolo omungi ogwatekebwa ku kasasiro,abatuuze mukugwepeena,bafundikira kasasiro bamusuula mu myala ekigivirako okuzibikira ne makubo n’ekivaako enddwadde.
Mu mutima gw’okutangira kusinga okuwoonya,Kivumbi yeeyamnye okulwana okulaba nga omusolo ogusolozebwa ku kasasiro gugibwawo.
EBY’OKWERINDA:Yagambye nti buli Poliisi wekola ebikwekweto byayo,etwaliramu banalumya ne basalumya bangi.Kino okusobola okukikomya Kivumbi agenda kusawo enkolagana enunji n’e poliisi okulaba ng’abavubuka abasibwa awatali musango bateebwa.
Mungeri yemu wakulwana okulaba nga ebifo ebimanyiddwa okubamu enzikiza kanso ebiteekamu amatala naddala agakozesa amanyi g’enjuba okulemesa abamenyi bamateeka okubyekwekamu.
EKIFUULA OW’ENKIZO KUBANE.
EKISOOKA:Kivumbi yasingamu obuyivu mubavuganya nabo kubanga muzimbi omutendeke.Olubereberye ebyaalo ebissatu byagenda okukikirira buli kimu kibade kikirirwa kansala owakyo naye ekibi babade tebasoma.Newankubade eteeka lya local gavumenti liwa bakansala ekika ekyo olukusa okuteesa mu lulimi oluzaliranwa,ebiwandiiko ebibawebwa okugeza ebya bajeeti biba mu luzungu ekitegeza nti omukulembeze ekika ekyo aba tasobola kutapuuta bulungi ebiri mubiwandiiko.
Ono engeri jali omuzimbi agamba nti olaba omuntu abade ankwasa omulimu gwakumuzimbira kizimbe ekiri mubukade,kati olwo bajeeti ey’ebyalo ebissatu eba enamulemera wa?
EKY’OKUBIRI:Kivumbi mwana nzaalwa ya mu kitundu kyoka nga obujjajabwe bulina emirandira ejamanyi mu kitundu kubanga Jajja we Nampewo yeyawaayo ettaka okwazimbibwa ekkanisa y’e Kazinga eya St John’s C/U Kazinga.