BYA:OMULANGIRA DDEMBE YONAH
Kololo,Kampala
Hajji Imam Sseruwo,ssentebbe wa bamakanika mu ggwanga yasinziide mu nsisinkano ya bamakanika gyebaabade naayo n’omukulembeze w’eggwanga Yoweri Kaguta Museveni ku kisaawe e Kololo nakinogannya nga bamakanika okwetaba mu buli okwekalakaasa okubeera mu ggwanga wekyava kuye okubeerabira.
Nti embeera eno nabo yabavirako okumukyaawa ne batandika okuwagira aba oppozisoni.Bano baabamalamu n’omutiima gw’okuba bamwoyo gwa ggwanga era yensonga lwaki abavubuka okuva mu magalaji ag’enjawulo buli webaabade bawulira okwekalakaasa nga benyigira mubikolwa eby’efujo nga okukasuka ebipiira mu kkubo kwo n’okuleeta oyiilo okubyokya.
Pulezidenti Museveni eky’okumukyawa kyamukubye waala nnyo era mukwogerako gyebali,eky’okugamba nti bamakanika yali yaberabira yakuggumiza nti si kituufu.Ono yanyonyode nti bamakanika abalina ku mutiima kubanga bakolagana bulungi naye mubiseera by’olutaro olwamuleeta mu buyinza.Mungeri ey’okubaddiza yabatandikirawo ebifo ebyawamu mwebanakolera atenga abitademu buli kikozesebwa.
Pulezidenti Museveni era yabanyonyola nti ebifo bino yasindiika basajjabe ne babizimba mu bitundu by’e Masaka n’ebimu kubitundu by’omu Kampala.
Wano Hajji Sseruwo weyakatemede Pulezidenti Museveni nti bbo tebalina kyebali balabye newankubade enteekateeka ezo baziwulirako ekintu Pulezidenti ekyayongede okumwewuyisiza nnyo.
EBINTU BAMAKANIKA BYE BASABYE PULEZIDENTI ABAKOLERE.
Tito Kavuma,ssentebbe wa bamakanika okuva mu divisooni y’e Kawempe yasabye Pulezidenti Museveni obukade 100 zeyabasindikra eza PDM azongereko kubanga ekintu kye kyekisingamu garaji ennyingi mu Kampala nga Wandegeya yokka erimu garagi 200.
Ronald Kayemba Ronald, Ssentebbe wa bamakanika okuva mu divisooni y’e Nakawa yasabye Pulezidenti Museveni adiremu bannabwe abasibwa olw’okwenyigira mukwekalakaasa okwaliwo nga tugenda mu kulonda kwa 2021.
Lukubira Edrine ssentebbe wa bamakanika okuva e Mukono,Martin Mutega ssentebe wa Bamakanika okuva e Kira ne Ssentebe wa bamakanika b’Entebbe basabye Pulezidenti Museveni enteekateeka ye ey’okudukirira bamanika ne ssente za PDM agigaziye nabo basobole okugiganayulwamu nga bamakanika b’omu divisooni za Kampala.
KAMPALA ERIMU GARAJI MEKKA?
Yiga Kisakyamuka omuyambi wa Pulezidenti ow’enjawulo avunanyizibwa ku kulondoola emirimu gya gavumenti eranga ye kondineeta wa magaraji kulwa StateHouse wansi w’enteekateeka eya Presidential Initiative of Garage Owners and Mechanics yategezeza nti garaji mu divisooni za Kampala e 5 ziri 2,939.
Rubaga yokka erina garaji 796,Nakawa erina garaji 438,Makindye erina garaji 319,Kawempe erina garaji 951 ate Kampala Central neba ne garaji 435.
PULEZIDENTI BYE YEEYAMYE OKUBAKOLERA
Bino byonna nga amaze okubiwulira, Pulezidenti yalagide
1)buli SACCO eyongerwemu obukadde 200 mbagirawo
2)enteekateeka eno ebunyisibwe mu garaji zonna okwetolora eggwanga era buli SACCO enagulwawo mu buli disitulikiti etekebwemu ensigo ya bukadde 300.
Pulezidenti Museveni yeeyamye okubazimbira ebifo mwebakolera n’okubagulira ebikozesebwa
Pulezidenti Museveni era yeeyamye ssente za SACCO okuzongerako okutuuka ku kawumbi 1 mu mwaka gwebyesimbi okugya.
